རང་གི་དོན་ལུ་ ཕམ་སྤུན་ཆ་ ཆ་རོགས་དང་ གདང་རས་ཁྱིམ་ཚང་ཚུ་ ལུངམ་པའི་ལུགས་སྲོལ་ལྟར་དུ་ མེ་གཏང་ལམ་ཆོག་གི་ ལས་རིམ་སྒྲིག་ནིའི་ འགོ་བཙུགས། ལྷོད་ཚུགས་མི་ཚུ་གིས་ ཆ་རོགས་འབད་བར་འཐོན་འོང་ ལྷོད་མ་ཚུགས་མི་ཚུ་གིས་ ཐག་རིང་ལས་སྨོན་ལམ་དང་ རྒྱབ་ཁར་ལུས་མི་ཚུ་གི་དོན་ལུ་ སེམས་གསོའི་ཚུལ་དུ་ བསྡུ་ལེན་རེ་འབད་དེ་ ཁྱོད་དང་ཐག་ཉེ་བའི་ ཕམ་སྤུན་ཆ་ཚུ་ལུ་ བསྐྱེལ་དོ་འོང་།
དུས་ཡུན་མ་རིངམོ་ཅིག་ལས་ ཁྱོད་ཀྱི་ཡིག་ཚང་ནང་གི་ འགོ་དཔོན་ཚུ་གིས་ ཁྱོད་ཀྱི་ཚབ་སོ་སོ་ལེན་ཏེ་ ལཱ་འཕྲོ་འདི་འབད་བའི་ཁར་ ཁྱོད་ལུ་བུ་གཞི་ཡོདན་ ཁོང་ཚུ་ཡང་ རང་སོའི་འགན་ཁུར་དང་འཁྲིལ་ ལཱ་ལུ་སེམས་གཡེང་སྟེ་ ཁྱོད་གཉིད་ལམ་ནང་གི་ མགྱོནམ་ཅིག་བཟུམ་སྦེ་ ལུས་མྱོང་འོང་། ཐ་ན་ ཁྱོད་ཀྱི་མི་ཚེ་གཅིག་གི་ ལས་ཀྱིས་བསྐོས་པའི་ གཉེན་གྲོགས་ཀྱི་ཡང་ ཉིནམ་གཅིག་བ་ཉིནམ་གཅིག་ ལོ་གཅིག་བ་ལོ་གཅིག་ ཁྱོད་སེམས་ལས་བརྗེད་དེ་ གཉེན་གྲོགས་སོ་སོ་འཚོལ་སྲིད་པའི་ཁར་ ཁྱོད་དང་གདོང་སྐོར་མེད་པའི་ ན་ཟུག་ཚུ་ཡང་ རིམ་པ་བཞིན་དུ་སྦེ་ སངས་ནི་འོང་།
རང་གི་ལུས་འདི་ རོ་ལུ་འགྱུར་ རོ་ཐལཝ་ལུ་འགྱུར་བའི་ཚེ་ དུས་ཡུན་ཐུང་ཀུ་གཅིག་གི་ནང་ མི་ཚུ་གི་སེམས་ལས་ རང་བརྗེད་ཚུགས་པ་ཅིན་ སྡོད་པའི་རིང་ལུ་ གཏམ་སྙན་གྲགས་ མི་གཏམ་གྱི་དོན་ལུ་ བརྩོན་ཤུགས་བསྐྱེད་དེ་ མི་ཚེ་གཅིག་ དཀའཝ་སྤྱད་མི་འདི་ དོན་དག་དང་སྙིང་པོ་གཅིག་འདུག་ག། ?
Comments
Post a Comment