〠 སྣང་བ་གང་ཤར་གྱི་ ཀ་རྩོམ།
༉ ཀ་བ་གདུང་གིས་མཛེས་པའི་ཁང་བཟང་ཡང་། །
ཁ་བའི་སྡུག་བསྔལ་རང་བཞིན་ཉིད་དུ་མཐོང་། །
ཁ་བའི་སྡུག་བསྔལ་རང་བཞིན་ཉིད་དུ་མཐོང་། །
ག་ནས་བསམ་རུང་སེམས་དཔའ་སྐྱོ་ལྷང་ལྷང་། །
ང་ནི་འཁོར་བ་འདི་ནང་སྐྱོ་བ་ལངས། །
ཅ་ལ་གཅེས་འཛིན་རྒྱལ་པོའི་ནོར་ཟས་ཀྱང་། །
ཆ་མེད་གཞན་གྱི་ལག་པར་སོང་བའི་རྒྱུ། །
ཇ་དང་ཆང་གི་ལོངས་སྤྱོད་འཛོམས་ན་ཡང་། །
ཉ་མོ་སྲམ་དང་འཕྲད་པའི་སྡུག་བསྔལ་འདྲ། །
ཏ་ཁ་ཟེར་བའི་ཕ་ཡུལ་ས་ཐག་རིང་། །
ཐ་དང་དམ་ཚིག་
བཟུང་བའི་བུ་ཆུང་ང་། །
ད་ལྟོ་གཞུང་དང་གོང་མའི་སྐུ་བསོད་ལས། །
ན་དང་ཚ་བ་མེད་པར་སྔར་བཞིན་ཡོད། །
པ་ལང་ནང་གི་སྦྲང་ཆང་མངར་མོ་འདི། །
ཕམ་སྤུན་འཛོམས་སྦེ་འཐུང་ན་སྤྲོ་བས་སྨོ། །
བ་དང་གླང་ལུག་ཕུན་སུམ་ཚོགས་ན་ཡང་། །
མ་འོངས་འགྱུར་བའི་དུས་ལུ་བསམ་ན་སྐྱོ། །
ཙ་རི་གནས་ལུ་བཞུགས་པའི་དྲང་སྲོང་གིས། །
ཚ་གྲང་སྡུག་བསྔལ་བསལ་གནང་སྤྲང་པོ་ལུ། །
ཛ་རོང་ནང་གི་ཨུམ་ཆུ་བསིལ་རུང་རང་། །
ཝ་མོ་རང་གིས་འཐུང་བའི་སྐལ་བ་མེད། །
ཞྭ་བོ་ཡན་ལག་ཉེས་པའི་རང་སྐྱོན་གྱིས། །
ཟ་ས་ལྷོད་མ་ཚུགས་པའི་སྡུག་བསྔལ་ཡོད། །
འ་དོམ་ལྟོགས་ལེ་བཟུམ་སྦེ་མཆོངས་པ་ཅིན།
།
ཡ་རབས་བཟང་པོའི་གྲལ་ཁར་ཚུད་པར་དཀའ། །
རྭ་བ་ཙན་དན་བསྐོར་བའི་འབྲུག་ཡུལ་ནང་། །
ལ་ལུང་བརྒལ་ཏེ་ཕྱོགས་བཞིར་བལྟ་རུང་རང་།
།
ཤ་ཚ་ཅན་གྱི་སྙིང་གྲོགས་མཛེས་མ་ཅིག
།
ས་སྟེང་འདི་ནང་རང་གིས་ཕྱད་མ་ཚུགས། །
ཧ་ཧ་ད་རེས་ཡུད་ཙམ་སྐྱིད་པ་འདི། །
ཧ་ཀྱང་མི་རྟག་ཡ་རབས་སྤྱོད་པ་སྐྱོང་། །
ཨ༌མའི་བུ་ཆུང་རང་གི་ཀ་རྩོམ་འདི། །
ཨ་རོགས་གཞོན་པའི་དོན་ལུ་ཧིང་གཏམ་ལགས། །
