བར་དོའི་སྨོན་ལམ།

 

ཞག་དང་པ།

ཀྱེ་མ་གཏི་མུག་དྲག་པོས་འཁོར་བར་འཁྱམས་པའི་ཚེ།།
ཆོས་དབྱིངས་ཡེ་ཤེས་གསལ་བའི་འོད་ལམ་ལ། 
བཅོམ་ལྡན་རྣམ་པར་སྣང་མཛད་ལམ་སྣ་དྲོངས། 
ཡུམ་མཆོག་དབྱིངས་ཕྱུག་མ་ཡིས་རྒྱབ་ནས་སྐྱོར། 
བར་དོ་འཇིགས་པའི་འཕྲང་ལས་བསྒྲལ་དུ་གསལ། 
ཡང་དག་རྫོགས་པའི་སངས་རྒྱས་ས་རུ་སྐྱོལ།

ཞག་གཉིས་པ།
ཀྱེ་མ་ཞེ་སྡང་དྲག་པོས་འཁོར་བར་འཁྱམས་པའི་ཚེ། 
མེ་ལོང་ཡེ་ཤེས་གསལ་བའི་འོད་ལམ་ལ། 
བཅོམ་ལྡན་རྡོ་རྗེ་སེམས་དཔས་ལམ་སྣ་དྲོངས། 
ཡུམ་མཆོག་སངས་རྒྱས་སྤྱན་མས་རྒྱབ་ནས་སྐྱོར། 
བར་དོ་འཇིགས་པའི་འཕྲང་ལས་བསྒྲོལ་དུ་གསོལ།
ཡང་དག་རྫོགས་པའི་སངས་རྒྱས་ས་རུ་སྐྱོལ།

ཞག་གསུམ་པ།
ཀྱེ་མ་ང་རྒྱལ་དྲག་པོས་འཁོར་བར་འཁྱམས་པའི་ཚེ།
མཉམ་ཉིད་ཡེ་ཤེས་གསལ་བའི་འོད་ལམ་ལ། 
བཅོམ་ལྡན་རིན་ཆེན་འབྱུང་ལྡན་ལམ་སྣ་དྲོངས། 
ཡུམ་མཆོག་མཱ་མ་ཀཱི་ཡིས་རྒྱབ་ནས་སྐྱོར། 
བར་དོ་འཇིགས་པའི་འཕྲང་ལས་བསྒྲལ་དུ་གསོལ།
 ཡང་དག་རྫོགས་པའི་སངས་རྒྱས་ས་རུ་སྐྱོལ།

ཞག་བཞི་པ།
ཀྱེ་མ་འདོད་ཆགས་དྲག་པོས་འཁོར་བར་འཁྱམས་པའི་ཚེ། །
སོར་རྟོགས་ཡེ་ཤེས་གསལ་བའི་འོད་ལམ་ལ། །
བཅོམ་ལྡན་སྣང་བ་མཐའ་ཡས་ལམ་སྣ་དྲོངས། །
ཡུམ་མཆོག་གོས་དཀར་མོ་ཡིས་རྒྱབ་ནས་སྐྱོར། །
བར་དོ་འཇིགས་པའི་འཕྲང་ལས་བསྒྲལ་དུ་གསོལ། །
ཡང་དག་རྫོགས་པའི་སངས་རྒྱས་ས་རུ་སྐྱོལ། །

ཞག་ལྔ་པ།
ཀྱེ་མ་ཕྲག་དོག་དྲག་པོས་འཁོར་བར་འཁྱམས་པའི་ཚེ། །
བྱ་གྲུབ་ཡེ་ཤེས་གསལ་བའི་འོད་ལམ་ལ། །
བཅོམ་ལྡན་དོན་ཡོན་གྲུབ་པས་ལམ་སྣ་དྲུངས། །
ཡུམ་མཆོག་དམ་ཚིག་སྒྲོལ་མས་རྒྱབ་ནས་སྐྱོར། །
བར་དོ་འཇིགས་པའི་འཕྲལ་ལས་བསྒྲལ་དུ་གསོལ། །
ཡང་དག་རྫོགས་པའི་སངས་རྒྱས་ས་རུ་སྐྱོལ། །

ཞག་དྲུག་པ།
ཀྱེ་མ་དུག་ལྔ་དྲག་པོས་འཁོར་བར་འཁྱམས་པའི་ཚེ། །
ཡེ་ཤེས་བཞི་སྦྱོར་གསལ་བའི་འོད་ལམ་ལ། །
བཅོམ་ལྡན་རྒྱལ་བ་རིགས་ལྔའི་ལམ་སྣ་དྲོངས། །
ཡུམ་མཆོག་རིགས་ལྔའི་ཡུམ་གྱིས་རྒྱབ་ནས་སྐྱོར། །
མ་དག་རིགས་དྲུག་འོད་ལམ་བསྒྲལ་དུ་གསོལ། །
བར་དོ་འཇིགས་པའི་འཕྲང་ལས་བསྒྲལ་ནས་ཀྱང་། །
དག་པའི་ཞིང་མཆོག་ལྔ་རུ་བསྐྱལ་དུ་གསོལ། །

ཞག་བདུན་པ།
ཀྱེ་མ་རིན་འཛིན་ལྷ་ཚོགས་རྣམས་ཀྱང་དགོངས་སུ་གསོལ། །
བརྩེ་བ་ཆེན་པོས་ལམ་སྣ་དྲང་དུ་གསོལ། །
བག་ཆགས་དྲག་པོས་འཁོར་བར་འཁྱམས་པའི་ཚེ། །
ལྷན་སྐྱེས་ཡེ་ཤེས་གསལ་བའི་འོད་ལམ་ལ། །
དཔའ་བོ་རིག་འཛིན་རྣམས་ཀྱིས་ལམ་སྣ་དྲོངས། །
ཡུམ་མཆོག་མཁའ་འགྲོའི་ཚོགས་ཀྱིས་རྒྱབ་ནས་སྐྱོར། །
བར་དོ་འཇིགས་པའི་འཕྲང་ལམ་བསྒྲལ་ནས་ཀྱང་། །
དག་པ་མཁའ་སྤྱོད་ཞིང་ཁམས་དེ་རུ་སྐྱོལ། །