དུས་བཞི་དུས་ལྔ། -སངྱས་ཕྲིན་ལས།

 དུས་བཞི་དུས་ལྔའི་རྩོམ་ཐུང༽

དུས་བཞི་དུས་ལྔ་ཡོད་པའི་གྲལ་ཁ་ལས།།

དང་པ་སྤྲིན་འབྱུང་བྱཱར་གྱི་དུས་ཚོད་ལུ།།

སྤྲིན་བཅུད་རྟག་ཏུ་བབས་ཏེ་གྲང་བའི་ཚེ།།

མཁའ་གླང་སྟུག་པ་འཁྲིགས་པ་འཁྲུལ་སི་སི།།

དྲོད་འབེབས་རྟགས་མཚན་སྣ་ཚོགས་སྟོན་པའི་ཚེ།།

སྔོ་ལྗང་ལྡན་པའི་སྤང་ཐང་མཐའ་ནས་བསྐོར།།

མཛེས་པའི་ཡིད་དགའ་སྣ་ཚོགས་མཐོང་བས་ཚེ།།

བུང་བའི་སྒྲ་བུར་རྣ་བར་ཐོས་པ་དགའ།།

རིམ་གྱིས་རྫོགས་ཏེ་འགྱོ་བའི་དུས་བཞི་དང་།།

བདེ་བྱེད་དུས་ཀྱི་ཉིམ་དྲོད་ཆེ་བ་ལས།།

རི་ཀླུང་སྐྱ་ཐལ་ཐལ་ཏེ་སྔོ་རྩྭ་མེད།།

དུད་འགྲོ་འགྲོ་སར་མཐོང་བ་སྐྱོ་བས་སྨོ།།

འབྲས་ལྡན་དུས་ཀྱི་དུས་ཚོད་ཤར་བའི་ཚེ།།

ལོ་ཐོག་རྟག་ཏུ་ལེགས་ཏེ་ཕུན་སུམ་ཚོགས།།

འབྲུག་གི་སྔར་སྲོལ་བདག་ཏུ་འཛིན་ནི་ཡང་།།

མདའ་དང་རྡོ་སྒོར་སྣ་ཚོགས་སྤྲོ་སྟོན་འབྱུང་།།

གནམ་དགུན་གྲང་བའི་དུས་ཅིག་ཤར་བའི་ཚེ།།

ཀེ་ལ་ཤ་ནི་ཁ་བ་དཀར་པོའི་སྤུབས།།

ལུང་དང་གཤོང་ནང་བསིལ་བཏགས་གྲང་བའི་ཚེ།།

དུས་ཚོད་ནམ་རྫོགས་སེམས་ཁར་ཁྲ་ལམ་ལམ།།

@སངས་གསལ།