མཛེས་ལྡན་བུ་མོ།- པདམ་རྡོ་རྗེ།

 མཛེས་ལྡན་བུ་མོ།

ཚེ་སྔོན་བསྐོས་པའི་གཉེན་གྲོགས་གཡུ་སྒྲོན་ཁྱེད།།
འཕགས་མཆོག་རྒྱལ་ཡུམ་རྗེ་བཙུན་སྒྲོལ་མའི་སྤྲུལ།།
ཚེ་འདིར་ས་སྟེང་མི་ཡུལ་ལུང་པ་ལུ།།
སྐྱེས་བ་ཉམ་ཆུང་རང་ཉིད་སྐལ་བ་བཟང་།།

བཞིན་འཛུམ་མཚར་བའི་དཀར་མདངས་བཞིན་རས་གཅིག།
ཚོན་གྱིས་མ་དབུར་ལྷན་སྐྱེས་ཡ་མཆུ་གཉིས།།
རྐང་དྲུག་བུང་བ་འཕུར་བའི་མིག་ཟུང་གསུམ།།
ཡིད་འཕྲོག་ཁྱེད་ལ་ཚང་བ་ཨ་ལ་ལ།།

ཆོས་སུ་སྒྲ་ལ་སྤྲོ་བའི་ཁྱེད་ཀྱི་སྙན།།
བྱམས་སྙིང་ཆེ་བ་ཡིད་འོང་ཁྱེད་ཀྱི་ཐུགས།།
འཇམ་གཉེན་མ་ལུས་ལྡན་པའི་ཕྱག་རྒྱ་ལས།།
སྤྲང་པོས་སྦྱིན་པ་གནང་བ་ཡིད་རང་ཞུ།།

སྙན་འབེབས་དབྱངས་ཅན་ལྷ་མོ་ཁྱེད་ཀྱི་གསུངས།།
དཀར་པོས་རྣམ་པར་བཀྲ་བའི་ཁྱེད་ཀྱི་ཚེམས།།
ཆུ་སྐྱར་བྱི་ལི་བཞིན་དུ་འགྲོ་བའི་ཚེ།།
མ་མཐོང་བྱོག་མོ་ཡིན་ཀྱང་ཁྱེད་ལ་བཀུར།།

མཛེས་ལྡན་ཙན་དན་སྡོང་པོ་ཁྱེད་ཀྱི་གཟུགས།།
དམར་མདངས་ཆུ་སྐྱེས་གོས་བཟང་ལུས་ལ་རྒྱན།།
སྒོ་གསུམ་གུས་པས་ས་ལ་བཞུགས་པའི་ཚེ།།
སྤྲང་པོ་རང་ཉིད་ལས་ཀྱིས་ཁྱེད་ལ་འཁོར།།

པདམ་རྡོ་རྗེ།