࿄ རྩོམ་ཆུང་སྦ་གླིངམ།
བདུད་འདུལ་ཀུན་མཁྱེན་ཟས་གཙང་སྲས་དང་ནི།།
འཕགས་མཆོག་རྒྱལ་ཚབ་བརྟེན་པའི་འཁོར་ལོ་དང་།།
འཇིག་རྟེན་དབང་ཕྱུག་ལག་ན་རྡོ་རྗེ་དང།།
ཆོས་ཀྱི་དཔལ་མོ་ཚངས་སྲས་མ་ལ་འདུད།།
དབུ་སྐྲ་མཚར་བ་ཟུར་ཕུད་ལྔ་ལྡན་མ།།
མ་རིག་འཇོམས་པའི་ཕྱག་གཡས་རལ་གྲི་བསྣམས།།
འགྲོ་ལ་རྩེ་བའི་བུ་ལྟར་ཤེས་རབ་གནང།།
ཀུན་གྱིས་བློ་ཡི་གཏེར་ལ་བསྟོད་བསྔགས་བརྗོད།།
འགྲོ་ཀུན་འཁོར་བའི་མཚོ་ལས་གྲོལ་བྱའི་ཕྱིར།།
འགྲོ་བ་ཡོངས་ལ་བརྩེ་བས་རྟག་ཏུ་གཟིགས།།
འཇིགས་དང་སྡུག་བསྔལ་ཀུན་ལས་སྐྱབས་མཛད་མཁན།།
མྱུར་སྐྱོབ་ཁྱེད་ཀྱི་ཞབས་ལ་ཕྱག་འཚལ་ལོ།།
ཉི་མའི་གཉེན་གྱི་བསྐལ་པ་ངོ་མཚར་བ།།
རྗེས་སུ་རྒྱལ་བའི་མྱུ་གུ་ཐ་དག་འཁྲུངས།།
ཆོས་ཀྱི་བདུད་རྩི་སྙིང་པོ་མང་དུ་སྤེལ།།
རང་ཡང་ཆོས་ལ་དད་པ་མུས་གུས་བསྐྱེད།།
དགའ་ལྡན་རྣམ་པར་རྒྱལ་བའི་ཞིང་འདི་ནང།།
འབངས་འཁོར་བདེ་བར་བསྐྱེད་པའི་མངའ་བདག་ནི།།
ཐུགས་རྗེ་བྱམས་པ་འཇིག་རྟེན་དབང་ཕྱུག་དང་།།
བསྟན་དགྲ་འཇོམས་པའི་མཐུ་སྟོབས་བདག་པོ་ཡིན།།
ས་གསུམ་ཡོངས་ལ་ཁྱབ་པའི་དགྲ་དབྱངས་འཛིན།།
འཇའ་ཚོན་སྟོང་ལས་འཕགས་པའི་ཚངས་སྲས་མ།།
གསུང་དབྱངས་ཡན་ལག་དྲུག་བཅུའི་དངོས་གྲུབ་ཅིག།
སྒྲ་དབྱངས་ལྷ་མོ་ཁྱེད་ཀྱིས་མྱུར་དུ་བསྩལ།།
འགྲོ་ཀུན་སྲིད་པའི་མཚོ་ལས་ཐར་བའི་ཕྱིར།།
ཟས་གཙང་སྲས་ཀྱིས་ཆོས་ཀྱི་འཁོར་ལོ་བསྐོར།།
མ་འོངས་རྒྱལ་ཚབ་ཁྱེད་ཀྱི་སྟོན་པའི་དུས།།
བློ་དམན་རང་ཡང་ཁྱེད་ཀྱི་ཆོས་ཞུ་ཤོག། །།
