རྒྱ་ཡུལ་སྐར་མོའི་གཞུང་ལ།
རྒྱ་ཡུལ་སྐར་མའི་གཞུང་ལ། །གསེར་གྱི་ཀ་བ་ལ། །ཀ་བཞི་གདུང་བརྒྱད་ཞེས་པའི་སོ་ཡ། །
ཕུ་ལ་དགོན་པ་མི་ཆགས། །དགོན་པ་སེ་ར་འབྲས་སྤུངས། །
ལྷ་ས་སྐྱིད་ཆུ་སྔོན་མོ། །ངང་པ་བརྒྱ་ཡི་གདན་ས། །ངང་པ་གཡས་ལ་ཆགས་ན། །
གཡས་ལ་དགའ་བ་འདུག་གོ །ངང་པ་གཡོན་ལ་ཆགས་ན། །གཡོན་ལ་སྐྱིད་པོ་འདུག་གོ །
གཡས་པའི་ལོགས་ལས་ཆང་ཕུད་བཞེས། །ཆང་ཕུད་ལེགས་མོ་འཁྲུངས་ཐག་གང་ལས་བཞེས། །
གཡོན་པའི་ལོགས་ལས་ཕྱེ་མར་བཞེས། ། ཕྱེ་མར་ལེགས་མོ་འཁྲུངས་ཐག་གང་ལས་བཞེས། །
རྒྱ་ཡུལ་སྐར་མའི་གཞུང་ལ། །དངུལ་གྱི་ཀ་བ་ལ། །ཀ་བཞི་གདུང་བརྒྱད་ཞེས་བའི་སོ་ཡ། །
ཕུ་ལ་དགོན་པ་མི་ཆགས། །དགོན་པ་སེ་ར་འབྲས་སྤུངས། །
ལྷ་ས་སྐྱིད་ཆུ་སྔོན་མོ། །ངང་བ་རྒྱའི་གདན་ས། །ངང་པ་གཡས་ལ་ཆགས་ན། །
གཡས་ལ་དགའ་བ་འདུག་གོ །ངང་པ་གཡོན་ལ་ཆགས་ན། གཡོན་ལ་སྐྱིད་པ་འདུག་གོ །
གཡས་པའི་ལོགས་ལས་ཆང་ཕུད་བཞེས། ཆང་ཕུད་ལེགས་མོ་འཁྲུངས་ཐག་གང་ལས་བཞེས། །
གཡོན་པའི་ལོགས་ལས་ཕྱེ་མར་བཞེས། ཕྱེ་མར་ལེག་མོ་འཁྲུངས་ཐག་ཐག་ལས་བཞེས། །
རྒྱ་ཡུལ་སྐར་མའི་གཞུང་ལ། གཡུ་ཡི་ཀ་བ་ལ། །ཀ་བཞི་གདུང་བརྒྱད་ཞེས་པའི་སོ་ཡ། །
ཕུ་ལ་དགོན་པ་མི་ཆགས། །དགོན་པ་སེ་ར་འབྲས་སྤུངས། །ལྷ་ས་སྐྱིད་ཆུ་སྔོན་མོ། །
ངང་པ་རྒྱ་ཡི་གདན་ས། །ངང་པ་གཡས་ལ་ཆགས་ན། །གཡས་ལ་དགའ་བ་འདུག་གོ །
ངང་པ་གཡོན་ལ་ཆགས་ན། གཡོན་ལ་སྐྱིད་པ་འདུག་གོ །
གཡས་པའི་ལོགས་ལས་ཆང་ཕུད་བཞེས། །ཆང་ཕུད་ལེག་མོ་འཁྲུངས་ཐག་གང་ལས་བཞེས།
གཡོན་པའི་ལོག་ལས་ཕྱེ་མར་བཞེས། ། ཕྱེ་མར་ལེགས་མོ་འཁྲུངས་ཐག་གང་ལས་བཞེས། །
Comments
Post a Comment