རི་ཆང་ལོ་དགོན་པ-བུམ་པ་བཟང་པོ།

 སྒོམ་དར་རི་ཆང་ལོ་དགོན་པའི་འབྱུང་རབས་དང་འབྲེལ་བའི་ གླུ་གཞས།

ལྷ་གཅིག་ཨོ་རྒྱན་པདྨའི་ཐུགས་རྗེ་དང་།།

འབྲུག་མི་ཡོངས་ཀྱི་བསོད་ནམས་སྤྱི་མཐུན་ལས།།

ཤར་ཕྱོགས་རི་ཆང་ལོ་ཡི་ཡུལ་སྟོད་ལ།།

གསང་སྔགས་བསྟན་པ་ཡུན་རིང་གནས་པའི་རྟེན།།

དགོན་བཟང་ཕན་བདེ་ཆོས་གླིང་ཆགས་པ་དགའ།།

སྤྱི་ལོ་ཆིག་སྟོང་དགུ་བརྒྱ་བདུན་གཅིག་ལོར།།

མཁས་པའི་བཟོ་བོ་ཀུན་བཟང་དབང་འདུས་དང།།

ཀ་གྱ་འཇིམ་བཟོ་དོན་ཡོན་ལ་སོགས་པས།།

ཕྱི་ལས་མཛེས་པའི་པ་ཏྲ་རིས་མོ་བཀོད།།

ནང་གི་རྟེན་མཆོག་ཆོས་ལོངས་སྤྲུལ་གསུམ་བཞེངས།།

སྐྱབས་མགོན་དྲིན་ཆེ་བླ་མ་ཟླ་ཟེར་བཞུགས།།

བཀྲ་ཤིས་རབ་གནས་མཛད་པའི་དགའ་སྟོན་ལ།།

ཡུལ་མི་ཡོངས་ཀྱིས་རྟེན་འབྲེལ་བཟང་པོ་འགྲིགས།།

འབྲུ་ནོར་ཇ་ཆང་འབུལ་བས་དགའ་འཚོར་ཞུ།།

དགོན་པའི་མཚན་ཡང་ཕན་བདེ་ཆོས་གླིང་གསོལ།།

    བུམ་པ་ བཟང་པོ།