བཀའ་བརྒྱུད་ཟེར་མིང་བཏགས་དགོ་པའི་ཁུངས་དོན། དོན༌ངོ༌བོ༌བཀའ་ཟེར་མི་འདི་ རྒྱལ་བ་རྫོགས་པའི་སངས་རྒྱས་ཀྱི་བཀའ་དང་ སངས་རྒྱས་ཀྱི་རྗེས་སུ་འཇུག་སྟེ་ སྤང་བླང་གི་ཆོས་ཚུལ་བཞིན་དུ་ ཐོས་བསམ་སྒོམ་གསུམ་ལག་ལེན་འཐབ་སྟེ་ དམ་པའི་ཆོས་སྤེལ་མི་རིགས་བརྒྱུད་འདི་ བཀའ་བརྒྱུད་ཟེར་མིང༌བཏགས་ཡོདཔ་ཨིན་པས། བཀའ་བརྒྱུད་འགོ་དང་པ་བྱུང་ཚུལ། དེ་ཡང་ ཆོས་སྐུ་རྡོ་རྗེ་འཆང་ཆེན་ལས་ རིམ་པ་བཞིན་དུ་ རྒྱ་གར་གྱི་གྲུབ་པའི་དབང་ཕྱུག་ཏི་ལི་པ་དང་ ཏི་ལི་པ་ལས དཔལ་ནཱ་རོ་པར་བརྒྱུད་དེ་ སྒྲ་བསྒྱུར་གྱི་རྒྱལ་པོ་མར་པ་ལུ་གསན་པའི་ཤུལ་ལས་ མར་པའི་ཞབས་ལས་རྣལ་འབྱོར་གྱི་དབང་ཕྱུག་མི་ལ་བཞད་པ་རྡོ་རྗེ་གིས་ཅི་གསུངས་བཀའ་བསྒྲུབས་ཀྱིས་གདམས་ངག་ག་ར་གསན། དེའི་སློབ་མ་བསམ་གྱིས་མི་ཁྱབ་པ་ཡོད་པའི་ནང་ལས་ ཉི་མ་དང་ཟླ་བ་ལྟ་བུའི་ཐུགས་སྲས་རྣམ་གཉིས་ལས་ ཉི་མ་ལྟ་བུར་གྱུར་པ་སྒམ་པོ་པའམ་དྭགས་པོ་ལྷ་རྗེ་ཟེར་ཞུ་མི་འདི་གིས་ བཀའ་ཕྱག་ཆུ་བོ་གཉིས་འདུས་ཀྱི་སྲོལ་གཏོན་གནང་ནུག། ཆོས་རྗེ་ཁོ་ར་ཡུལ་གཉལ་སྨད་བུ་ཉི་ཟེར་ས་ལུ་ ཡབ་སྙི་བ་རྒྱལ་པོ་དང་ ཡུམ་ངལ་བཟང་མོ་གཉིས་ཀྱི་སྲས་ལུ་ སྟོན་པའི་འདས་ལོ་གཅིག་སྟོང་དགུ་བརྒྱ་ལྔ་བཅུ་ང་བདུན་དང་༼༡༩༥༧༽ དགུང་ལོ་སུམ་ཅུ་སོ་གཉིས་ཀྱི་བར་དུ་སྨན་གྱིས་འགྲོ་དོན་མཛད་དེ་བཞུག
“ད་རིས་ འབྲི་ལྷག་བཀོ་བཞག་མི་ མི་འདི་ ནངས་པ་ཤེས་ཡོན་མེད་པའི་ མི་ལུ་འགྱུརཝ་ཨིན།’’ དམངས་གཞུང་དང་པའི་ཤེས་བློན་ ཋ་ཀུར་སཱིན།