བཀྲ་ཤིས་ཀྱི་སྨྱུག་དེབ།

ཧེ་མ་ བསྐལ་པ་བཟང་པོའི་དུས་ལུ་ ལྷ་དང་ཀླུ་ དྲང་སྲོང་དེ་ཚུ་གིས་ ནོར་བུ་སྣ་ཚོགས་གཅིག་ཁར་བསྡུས་ཏེ་ ལྷོ་ཕྱོགས་རྒྱ་མཚོ་ཆེན་པོའི་ནང་ལུ་ སངས་རྒྱས་རྣམ་པར་སྣང་མཛད་ཀྱི་ སྐུ་གཅིག་བཞེངས་ཏེ་ཡོད་མི་དེ་གི་ དབུའི་གཙུག་ཏོར་དེ་ ནོར་བུ་ཆུ་ཤེལ་གྱིས་ བཞེངས་ཡོདཔ་ཨིན་མས། དེ་ལས་ གནམ་ཁའི་རྒྱུ་སྐར་གྱི་གྲལ་ཁར་ སྐར་མ་རྀ་ཥི་ཟེར་མི་ སྐར་མ་ཅིག་ཡང་ ཡོདཔ་ཨིན་མས། སྐརམ་དེ་ ངོ་བོ་ཆུ་ཤེལ་གྱི་རང་བཞིན་ ནོར་བུ་ཀེ་ཏ་ཀ་ ཟེར་མི་དེ་ལས་ གྲུབ་གྲུབ་ཨིན་མས། དེ་ལས་ སྐར་མ་རྀ་ཥི་དེ་ གནམ་ཁ་ལས་ཕར་ རི་རབ་བསྐོར་ཏེ་ འགྱོཝ་ད་ལུ་ ཟླ་བ་བརྒྱད་པའི་དབུགས་འཐོབ་ཀྱི་ཉིནམ་ཟེར་ ཁྲུས་བབས་ཀྱི་ཉིནམ་དེ་ལུ་ ལྷོ་ཕྱོགས་རྒྱ་མཚོ་ནང་ བཞེངས་ཏེ་ཡོད་མི་ སངས་རྒྱས་རྣམ་པར་སྣང་མཛད་ཀྱི་ དབུའི་གཙུག་ཏོར་ ནོར་བུ་ཆུ་ཤེལ་ལས་ གྲུབ་མི་དེ་དང་ ཕྱེདཔ་ཨིན་ཟེར་ཨིན་མས།   སྐར་མ་རྀ་ཥི་འདི་ སངས་རྒྱས་རྣམ་པར་སྣང་མཛད་ཀྱི་ དབུའི་གཙུག་ཏོར་ལས་ འབྱིད་དེ་འགྱོ་ཚུགས་ཚུགས་ལུ་ ཞག་བདུན་འགོར་དོ་ཡོདཔ་ལས་ དུས་ཚོད་དེ་གི་སྐབས་ལུ་ སངས་རྒྱས་ཀྱི་ཐུགས་བསྐྱེད་སྨོན་ལམ་དང་། སྐར་མ་རྀ་ཥིའི་གཉིས་འཕྱད་པའི་རྟེན་འབྲེལ་ལས་བརྟེན་ཏེ་ སངས་རྒྱས་ཀྱི་དབུའི་གཙུག་ཏོར་ལས་ བདུད་རྩི་གི་ཆུ་རྒྱུན་བབས་མི་དེ་གིས་ འཛམ་གླིང་གི་ཆུ་ཕྲན་

རང་གི་མི་ལུས་རིན་ཆེན་འདི་ བྱག་སྦོམ་ཅིག་གི་སྐེད་པར་ རྩྭ་ཆག་པ་གཅིག་གུར་ བཤེད་དེ་སྡོད་དོ་བཟུམ་ཨིན། འདི་ཡང་ བྱག་འདི་གི་ཐོག་ཁར་ སྤང་དགའ་ཏོག་ཏོ་དང་ བྱག་འདི་གི་མཇུག་ལུ་ རྒྱ་མཚོ་སྦོམ་ཅིག་ནང་ སེམས་ཅན་འདྲོག་སི་སི་ གདུག་དྲག་ཅན་ཚུ་ཡོད་པའི་ གནས་སྟངས་འདི་ནང་ བྱག་གི་ཐོག་ཁར་ཡོད་པའི་ སྤང་དགའ་ཏོག་ཏོ་འདི་ཁར་ ལྷོད་ཚུགས་ནིའི་ ཐབས་ལམ་རང་གིས་མ་འཚོལ་བར་ བྱག་བར་གྱི་ རྩྭ་ཆག་པ་གཅིག་ལུ་ བཟུང་སྟེ་གཉིད་ལོག་དོ་བཟུམ་ཨིན།  འདི་ཁར་ རྩྭ་ཆག་པ་གཅིག་ རང་གི་མི་ཚེ་དང་འདྲཝ་འདི་ བྱི་ཙི་དཀརཔོ་དང་གནགཔོ་ ཉིན་ནུབ་དང་འདྲ་མི་གིས་ སྐོར་རྒྱབ་རྐྱབ་ཅི་ར་ རེ་རེ་སྦེ་བཏོག་འབག་སྟེ་ རྩྭ་ཆག་པ་གཅིག་གུར་བཟུང་སྟེ་ གཉིད་ལོག་མི་རང་ སེམས་ཅན་གདུག་པ་ཅན་ཡོད་པའི་ རྒྱ་མཚོ་ནང་ལྷུངམ་པའི་ གནས་སྟངས་འདི་ ག་ནི་བ་འཁྲུལ་སི་སི་ཅིག་མེན་པས་ག་ལགས། ? བྱག་བར་གྱི་ རྩྭ་ཆག་པ་འདི་ མ་རྫོགས་པའི་སྔོན་མར་ དམ་པའི་ཆོས་ལུ་བརྩོན་གནང་།  རྒྱབ་ཁུངས་གསུང་བཤད་ གཙུག་ལག་སློབ་དཔོན་མཁན་ཆེན་ཀརྨ་རང་གྲོལ་མཆོག།

བུཚ།  རྨི་ལམ་འདྲ་བའི་ས་ཆ། མིག་འཕྲུལ་བཟུམ་གྱི་བུ་མོ། བདེན་འཛིན་རེ་ཡང་མ་ཚུགས། བདེན་ག་མནོ་ཡང་མ་བཏང། རྒྱལ་ཁ་ང་གིས་ཐོབ་ན། གཡས་པའི་གཤོག་སྒྲོ་ཡོད། གཡས་པའི་གཤོག་སྒྲོའི་གླུ་ལ་གསན། དགའ་བའི་གཏམ་གྱི་ཚིགས་ལ་གསན། བུམོ།  བང་ཅན་བཀའ་ལུ་མི་ཉན། ཉམ་ཆུང་བློ་ཡང་མི་བདེ། སྒང་གཤོང་ལ་ཁའི་བུ་མོ། སེམས་ཁར་ན་ཟུག་མ་བཀལ། ཕ་ཡུལ་སྒང་གཤོང་ནང། ཕ་གཞིས་ལ་ནོར་ཡོད། རང་ཡུལ་དགའ་བའི་གླུ་ལ་གསན། རང་སེམས་སྐྱིད་པའི་ཚིག་ལ་གསན། བུཚ།  གསེར་ཤོག་སྤང་གི་སྦུག་ལས། གསེར་གྱི་མེ་ཏོག་འཁྲུངས་ནུག། མིག་ཁར་ལེགས་པའི་མེ་ཏོག རྨི་ལམ་ཨིན་ཟེར་མ་གསུངས། དམ་ཚིག་ཁྱོད་ལུ་ཡོདན། གཡོ་བ་ང་ལུ་མེད། མཆོད་པའི་ལྷ་མོ་གླུ་ལ་གསན། སྟག་ཤར་དགའ་བའི་གླུ་ལ་གསན། བུམོ།  རྣམ་ཅོ་བསུབས་རུང་གོཝ་མས། མིག་ཏོ་བཙུམས་རུང་མཐོང་མས། ལུས་དང་གྱིབ་མ་བཟུམ་སྦེ། འབྲལ་བ་འབྲལ་ས་མིན་འདུག། གཡོ་བ་ཁྱོད་ལུ་མེདན། དམ་ཚིག་ང་ལུ་ཡོད། སག་སྟེང་མེ་ཏོག་ཡི་གླུ་ལ་གསན། སྨིན་ཆུང་དགའ་བའི་ཚིག་ལ་གསན། བུཚ།  ཚད་ལས་བརྒལ་བའི་ངོ་རིས། སྐྱོན་ཡང་བཏགས་ས་མིན་འདུག། ཐུགས་སེམས་ཨ་ཞེ་སྣང་ས། དམའ་ཕབ་རྐྱབ་ས་མིན་འདུག། སེམས་ཀྱི་མེ་ལོང་ནང། ཨ་རྟག་ཁྱོད་ར་མཐོང། མཐོང་པའི་བུ་མོའི་གླུ་ལ་གསན། དམ་ཚིག་གཙང་བའི་ཚིག་ལ་གསན། བུམོ།  ཁྱོད་ཡང་མེད་ཟེར་མ་བཟོ